आपतकालिन सम्पर्क नं
प्रहरी कन्ट्रोल : १००, टोल फ्री नं.: १६६००१४१५१६
नेपा
EN
माघ २०८०
अवैध लागूऔषधसहित १ जना पक्राउ
२०८०-१०-२५

बाँके, नेपालगंज उपमहानगरपालिका-५ साइमार्गस्थित सडकबाट अवैध लागूऔषध ब्राउनसुगर जस्तो देखिने पदार्थ १ ग्राम २ सय मिलिग्रामसहित सुर्खेत विरेन्द्रनगर नगरपालिका-३ बस्ने २८ वर्षीय रूपेश भण्डारीलाई बुधबार दिउँसो प्रहरीले पक्राउ गरेको छ । वडा प्रहरी कार्यालय नेपालगंजबाट खटिएको प्रहरीले उनलाई उक्त पदार्थसहित पक्राउ गरेको हो । यस सम्बन्धमा प्रहरीले आवश्यक अनुसन्धान गरिरहेको छ ।
निरीक्षण भ्रमण तथा निर्देशन सम्बोधन कार्यक्रम
२०८०-१०-१९

निरीक्षण भ्रमण तथा निर्देशन सम्बोधनको सिलसिलामा मिति २०८०।१०।१९ गते लुम्बिनी प्रदेश प्रहरी कार्यालय दाङका प्रमुख श्रद्धेय श्रीमान प्रहरी नायब महानिरीक्षक कुबेर कडायतज्यू नेपाल प्रहरी राजमार्ग सुरक्षा तथा ट्राफिक व्यवस्थापन कार्यालय, बुटवलमा पाल्नु भई कार्यालयको शाखाहरुको निरीक्षण, अनुगमन गरी कार्यालय तथा मातहत कार्यालयहरुबाट उपस्थित प्रहरी कर्मचारी, ईलाका प्रहरी कार्यालय बुटवलमा कार्यरत प्रहरी कर्मचारीहरु र भर्चुअल माध्यमबाट जोडिनु भएका मातहत जिल्ला ट्राफिक प्रहरी प्रमुखहरुलाई समसामयिक विषयमा अमुल्य निर्देशन सम्बोधन दिनुभयो ।निम्न:-१. जनअपेक्षा अनुसार आफ्नो दायित्व बोध गरी कार्य सम्पादन गर्ने ।२. सुरक्षित सडक र अनुशासित सडक बनाउने ।३. सडकमा हुने सबै किसिमका अवरोधहरुलाई निराकरण गर्न सम्बन्धित सरोकारवाला निकायहरु संग समन्वय गरी रणनीति बनाउने ४. लेन अनुशासन पालना गराउँने ।५. पैदलयात्रा गर्दा फुटपाथ भएकोमा फुटपाथ बाटै र फुटपाथ नभएकोमा दायाँ साईडबाट मात्र हिड्दा सुरक्षित हुने हुँदा सो सम्बन्धमा पैदलयात्रु लक्षित जनचेतनामुलक अभियान चलाउने ।६. प्रहरी कर्मचारीहरुको आचरण व्यवहार राम्रो हुनु पर्ने ।७. ईमान्दारिता, व्यवसायिकता, जिम्मेवारी बोध, चरित्रवान, पारदर्शी तथा उच्च मनोवल भएको प्रहरी मात्र अहिलेको समयमा योग्य हुन सक्ने हुँदा त्यस तर्फ सजग हुने ।८. कार्यालय व्यवस्थापन तथा कार्यालयलाई सौन्दर्यीकरण बनाउने ।९. थोरै बोल्ने धेरै सुन्ने बानीको बिकास गर्ने ।१०. सिर्जनशिल तथा नवप्रवर्द्धनात्मक कार्य गर्ने ।१२. कुनैपनि कार्यक्रमको उपलब्धि तथ्याङकगत रुपमा सकारात्मक परिणाम नआउँदा सम्म सफल मान्न नसकिने हुँदा त्यस तर्फ ध्यान दिने । १३. हरेक डिउटीमा सम्बन्धित कमाण्डर वा प्रमुखले ब्रिफिङ/डिब्रिफिङ गरी समिक्षा सहित थप रणनीति बनाई प्रभावकारी ढंगले पुलिसिङ गर्ने ।
करेन्ट लागेर मृत्यु
२०८०-१०-१६

‍‍‍‍‍‍‍‍‍‍‍‍‍बाँके, डुडुवा गाउँपालिका-१ सन्तलिया बस्ने ३५ वर्षीया सजिदा शेषको करेन्ट लागेर सोमबार बेलुकी मृत्यु भएको छ । आफ्नै घरको आँगनमा रहेको धारोमा नुहाउने क्रममा धारोमा जडान गरिएको मोटरबाट करेन्ट लागेर गम्भीर घाइते भएकी उनको नर्सिङ होम नेपालगंजमा उपचारको क्रममा मृत्यु भएको हो । यस सम्बन्धमा प्रहरीले आवश्यक अनुसन्धान गरिरहेको छ ।
सवारी दुर्घटनामा एक जनाको मृत्यु
२०८०-१०-१४

दाङ, लमही नगरपालिका-३ मझगाउँस्थित सडकमा लु.२ ख ६३७ नम्बरको ट्रक र रा.७ प १४३२ नम्बरको मोटरसाइकल एकआपसमा ठक्कर खाई गएराति दुर्घटना हुँदा मोटरसाइकल चालक सोही नगरपालिका-१ नर्ती बस्ने ३० वर्षीय सुदन जिसीको मृत्यु भएको   छ । दुर्घटनामा गम्भीर घाइते भएका उनको लमही अस्पतालमा उपचारको क्रममा मृत्यु भएको हो । ट्रक चालकलाई प्रहरीले नियन्त्रणमा लिएको छ । 
अवैध लागूऔषधसहित पक्राउ
२०८०-१०-१४

बर्दिया, बाँसगढी नगरपालिका-९ पहाडिपुरबाट अवैध लागूऔषध गाँजा करिब १ किलो ४५ ग्रामसहित सोही नगरपालिका-९ माछागड बस्ने २४ वर्षीय अम्मर बहादुर चनारालाई शनिबार साँझ प्रहरीले पक्राउ गरेको छ । प्रहरी चौकी लक्ष्मणाबाट खटिएको प्रहरीले उनलाई उक्त गाँजासहित पक्राउ गरेको हो ।बाँके, नेपालगंज उपमहानगरपालिका-१५ जमुनाहबाट अवैध लागूऔषध ब्राउनसुगर जस्तो देखिने पदार्थ ९ सय मिलिग्रामसहित २ जनालाई शनिबार साँझ प्रहरीले पक्राउ गरेको छ । पक्राउ पर्नेहरूमा कोहलपुर नगरपालिका-१३ बस्ने २८ वर्षीय बिकल्प पुन मगर र २२ वर्षीय सुरेश नाथ योगी रहेका छन् । लागूऔषध नियन्त्रण ब्यूरो नेपालगंज र ईलाका प्रहरी कार्यालय जमुनाहबाट खटिएको प्रहरीले भारतबाट नेपालतर्फ आउँदै गरेका उनीहरूलाई उक्त पदार्थसहित पक्राउ गरेको हो । 
आगलागीबाट विभिन्न धनमाल जलेर नष्ट
२०८०-१०-१३

पाल्पा, रामपुर नगरपालिका-१ हाँगेपिपलस्थित उचईगाउँ बस्ने हस्त बहादुर उचई र चुना कुमारी उचईको घर र गोठ तथा ज्ञान कुमारी उचईको घरमा शुक्रबार दिउँसो आगलागी हुँदा करिब ९ लाख ५२ हजार रूपैयाँ बराबरको धनमाल जलेर नष्ट भएको छ । प्रहरीले स्थानीय बासिन्दाको सहयोगमा आगलागी नियन्त्रणमा लिनुको साथै यस सम्बन्धमा आवश्यक अनुसन्धान गरिरहेको छ ।
अवैध लागूऔषधसहित १ जना पक्राउ
२०८०-१०-१३

बाँके, नेपालगंज उपमहानगरपालिका-१५ जमुनाहबाट अवैध लागूऔषध ब्राउनसुगर जस्तो देखिने पदार्थ  करिब २ ग्रामसहित सुर्खेत गुर्भाकोट नगरपालिका-९ बस्ने २१ वर्षीय राज वलीलाई शुक्रबार बेलुकी प्रहरीले पक्राउ गरेको छ । ईलाका प्रहरी कार्यालय जमुनाह र लागूऔषध नियन्त्रण ब्यूरो नेपालगंजबाट खटिएको प्रहरीले उनलाई उक्त पदार्थसहित पक्राउ गरेको हो । यस सम्बन्धमा प्रहरीले आवश्यक अनुसन्धान गरिरहेको छ ।
सवारी दुर्घटनामा परी मानिसको मृत्यु ।
२०८०-१०-१२

रूपन्देही, ओमसतिया गाउँपालिका-२ स्थित सडकमा लु.७६ प ८०९५ नम्बरको मोटरसाइकल अनियन्त्रित भई गएराति दुर्घटना हुँदा चालक पाल्पा रैनादेवी गाउँपालिका-१ छहरा बस्ने ३२ वर्षीय राम प्रसाद खनालको मृत्यु भएको छ । दुर्घटनामा गम्भीर घाइते भएका उनको मेडिकल कलेज भैरहवामा उपचारको क्रममा मृत्यु भएको हो । 
आगलागीबाट धनमाल जलेर नष्ट
२०८०-१०-११

रूपन्देही,  बुटवल उपमहानगरपालिका-६ पुरानो बसपार्क पिपलबोटस्थित सोही उपमहानगरपालिका-५ अमरपथ बस्ने राम जैसवालको  जानकी गार्मेन्ट सप्लायर्समा गएराति आगलागी हुँदा सिलाई मेसिन २० थान, रेडिमेट कपडा, काचो कपडा गरी करिब ४० लाख रूपैयाँ बराबरको धनमाल जलेर नष्ट भएको छ ।साथै यस सम्बन्धमा आवश्यक अनुसन्धान गरिरहेको छ । 
सवारी दुर्घटनामा एक जनाको मृत्यु
२०८०-१०-११

बाँके,  कोहलपुर नगरपालिका-१४ पार्बतीपुरस्थित सडकमा भे.१ ख ४०३३ नम्बरको मिनिबस र ना.५ ख ८५६६ नम्बरको ट्रक एकआपसमा ठक्कर खाई बिहीबार बिहान दुर्घटना हुँदा ट्रकका सहचालक रूपन्देही देवदह नगरपालिका-६ खैरेनी बस्ने ३५ वर्षीय राम कृष्ण गोतामेको मृत्यु भएको छ । दुर्घटनामा गम्भीर घाइते भएका उनको मेडिकल कलेज कोहलपुरमा उपचारको क्रममा मृत्यु भएको हो । साथै दुर्घटनामा घाइते भएका २ जनाको सोही अस्पतालमा उपचार भइरहेको छ । ट्रक चालकलाई प्रहरीले नियन्त्रणमा लिई हाल फरार मिनिबस चालकको खोजी गरिरहेको छ । दुर्घटनाका सम्बन्धमा प्रहरीले आवश्यक अनुसन्धान गरिरहेको छ ।
अवैध लागूऔषधसहित १ जना पक्राउ
२०८०-१०-११

दाङ, घोराही उपमहानगरपालिका-१४ नयाँ बसपार्कबाट ब्राउनसुगर जस्तो देखिने पदार्थ २ ग्राम २ सय ३० मिलिग्राम र नगद ३५ हजार ३ सय ५ रूपैयाँसहित सोही ठाउँ बस्ने ३७ वर्षीया कमली नेपालीलाई बुधबार दिउँसो प्रहरीले पक्राउ गरेको छ । वडा प्रहरी कार्यालय घोराहीबाट खटिएको प्रहरीले सोही ठाउँस्थित कमलीको रेष्टुरेन्ट तलासी गर्दा उक्त लागूऔषध फेला पारी उनलाई पक्राउ गरेको हो ।  यस सम्बन्धमा प्रहरीले आवश्यक अनुसन्धान गरिरहेको छ ।
ईलाका प्रहरी कार्यालय बगनाह भुरीगाउँको नवनिर्मित भवन उद्घाटन
२०८०-१०-०९

प्रहरी नायव महानिरीक्षक कुबेर कडायतले ईलाका प्रहरी कार्यालय बगनाह भुरिगाउँ बर्दिया परिसरमा नवनिर्मित कार्यालय, ब्यारेक, हिरासत कक्ष तथा भान्साघर लगायतका भवनहरूको मंगलबार आयोजित एक कार्यक्रमबीच उद्‍घाटन  गर्नुभयो । साथै उहाँले उक्त नवनिर्मित भवनहरूको निरीक्षण समेत गर्नुभयो ।कार्यक्रममा प्रहरी नायव महानिरीक्षक कडायतले भवन निर्माणको कार्यलाई त्रुटीरहित तवरले सम्पन्न गर्ने ईन्द्रधनु अछाम निर्माण सेवा टिकापुरका प्रतिनिधि बाँधुराम चौधरी र लुम्बिनी प्रदेश प्रहरी कार्यालय आवास तथा भौतिक शाखाका प्रहरी वरिष्ठ नायव निरीक्षक श्याम बहादुर बलायरलाई प्रशंसापत्र प्रदान गर्नुका साथै जिल्ला भरी उत्कृष्ट कार्य गर्ने २० जना प्रहरी कर्मचारीहरूलाई नगद पुरस्कार समेत प्रदान गर्नुभयो ।उक्त अवसरमा प्रहरी नायव महानिरीक्षक कडायतले स्रोत साधन र संरचनाहरूको अभावमा समेत कुनै सम्झौता नगरी नेपाल प्रहरीले आफ्ना जिम्मेवारी पूरा गर्दै आइरहेको उल्लेख गर्दै नवनिर्मित संरचनाहरूले प्रहरीलाई थप हौसला, उर्जा र मनोवलका साथ व्यावसायिक तवरले स्तरीय सेवा प्रवाह गर्न मद्दत पुग्ने विश्वास व्यक्त गर्नुभयो ।लुम्बिनी प्रदेश सरकारको नियमित बजेटबाट कुल ३ करोड ७८  लाख ४१ हजार ७९ रूपैयाँ  लागतमा उक्त भवनहरू निर्माण कार्य सम्पन्न भएको हो । साथै सोही अवसरमा प्रहरी नायव महानिरीक्षक कडायतले बर्दिया जिल्लास्थित प्रहरी कार्यालयका कार्यालय प्रमुख, तथा प्रहरी अधिकृत एवम् जवानहरूलाई शान्ति सुरक्षा तथा अपराध अनुसन्धानमा आफ्नो व्यवसायिकता प्रदर्शन गर्न, प्रमाणमुखी अनुसन्धान गर्न, प्रहरीको आचरण र व्यवहारमा सुधार ल्याउनु पर्ने लगायतका विषयमा निर्देशन समेत दिनुभयो ।
अवैध लागूऔषधसहित पक्राउ
२०८०-१०-०५

रूपन्देही, बुटवल उपमहानगरपालिका-८ चौराहा बसपार्कबाट अवैध लागूऔषध ब्राउनसुगर जस्तो देखिने पदार्थ ३५ मिलिग्रामसहित लुम्बिनी सांस्कृतिक नगरपालिका-९ पिपरा बस्ने २६ वर्षीय हुसेन खानलाई बिहीबार राति प्रहरीले पक्राउ गरेको छ । अस्थाई प्रहरी बिट चौराहाबाट खटिएको प्रहरीले जाँच गर्ने क्रममा उक्त पदार्थसहित उनलाई पक्राउ गरेको हो ।यस सम्बन्धमा प्रहरीले आवश्यक अनुसन्धान गरिरहेको छ । 
सवारी दुर्घटनामा २ जनाको मृत्यु
२०८०-१०-०५

रूपन्देही, देवदह नगरपालिका-६ गिद्धे भिरस्थित सडकमा लु.२ ख ४५०९ नम्बरको टिपर अनियन्त्रित भई सडकबाट करिब ३ सय मिटर तल खसेर बिहीबार साँझ दुर्घटना हुँदा टिपरमा सवार २ जनाको घटनास्थलमै मृत्यु भएको छ । मृत्यु हुनेहरूमा टिपरमा सवार पाल्पा माथगढी गाउँपालिका रहबास बस्ने ३५ वर्षीया भिमिसरा सारू र २३ वर्षीया सृजना सारूकी छोरी २ वर्षीया प्रसला सारू रहेका छन् । दुर्घटनामा घाइते भएका टिपर चालक समेत २ जनालाई उपचारको लागि मेडिकल कलेज भुलही पठाइएको छ ।दुर्घटनाका सम्बन्धमा प्रहरीले थप अनुसन्धान गरिरहेको छ । 
सवारी दुर्घटनामा १ जनाको मृत्यु
२०८०-१०-०४

रूपन्देही, मायादेवी गाउँपालिका-४ सेमरीमा लु.१ ख ६९६७ नम्बरको बसको ठक्करबाट भारत बिहार घर भई बेथरी जगदम्बा धागो कारखानामा काम गरी बस्ने रमेश कुमार साहकी छोरी ४ वर्षीय प्रियल कुमारी साहको बुधबार साँझ मृत्यु भएको छ । ठक्करबाट गम्भीर घाइते भएकी उनको भिम अस्पताल भैरहवामा उपचारको क्रममा मृत्यु भएको हो । बस चालकलाई प्रहरीले नियन्त्रणमा लिएको छ । दुर्घटनाका सम्बन्धमा प्रहरीले आवश्यक अनुसन्धान गरिरहेको छ । 
भरूवा बन्दुक बरामद
२०८०-१०-०४

कपिलवस्तु, वाणगंगा नगरपालिका-७ धैरेनिडाँडास्थित बाँसको झाडी नजिकैबाट लोड अवस्थामा रहेको १ नाल भरुवा बन्दुक बुधबार साँझ प्रहरीले बरामद गरेको छ । ईलाका प्रहरी कार्यालय पिपराबाट खटिएको प्रहरीले गस्ती गर्ने क्रममा बेवारिसे अवस्थामा रहेको उक्त बन्दुक फेला पारी बरामद गरेको हो । यस सम्बन्धमा प्रहरीले आवश्यक अनुसन्धान गरिरहेको छ । 
मोटरसाइकल दुर्घटनामा चालकको मृत्यु
२०८०-१०-०३

तुलसीपुर उपमहानगरपालिका-१७ मानपुरस्थित सडकमा रा.५ प ९७८ नम्बरको  मोटरसाइकल अनियन्त्रित भई गएराति दुर्घटना हुँदा चालक सोही ठाउँ बस्ने २६ वर्षीय सविन चौधरीको मृत्यु भएको छ । दुर्घटनामा गम्भीर घाइते भएका उनको राप्ती प्रादेशिक अस्पताल तुलसीपुरमा उपचारको क्रममा मृत्यु भएको हो ।दुर्घटनाका सम्बन्धमा प्रहरीले आवश्यक अनुसन्धान गरिरहेको छ ।
अधिक लोड >>
कम देखाउनुहोस् <<

वैशाख २०८१

चैत्र २०८०

फाल्गुण २०८०

माघ २०८०

पौष २०८०

मंसिर २०८०

कार्तिक २०८०

आश्विन २०८०

भदौ २०८०

श्रावण २०८०

असार २०८०

जेष्ठ २०८०

वैशाख २०८०

चैत्र २०७९

फाल्गुण २०७९

माघ २०७९

पौष २०७९

मंसिर २०७९

कार्तिक २०७९

आश्विन २०७९

भदौ २०७९

श्रावण २०७९

असार २०७९

जेष्ठ २०७९

चैत्र २०७८

फाल्गुण २०७८

माघ २०७८

पौष २०७८

मंसिर २०७८

कार्तिक २०७८

आश्विन २०७८
अधिक लोड >>
कम देखाउनुहोस् <<